Táýelsizdik merekesiniń ertesinde-aq О́skemendegi ortalyq alańǵa shyrsha tiktelip, bezendirýge kirisken. Biraq bul jolǵy jasandy shyrsha burynǵydan ózgerek. Álem-jálem oıynshyǵy joq. Jan-jaǵyna qazaqtyń qoshqar múıiz oıýy japsyrylǵan.
Jańa jyl qarsańynda О́skemen shahary jalt-jult etip, ertegidegideı erek keıipke enedi. Ásirese ortalyq alań ózgeshe qulpyrady. Jasyl jelekti ormannan qıyp ákelmeıdi, jasandy. Durys ta bul. Bes kúngi qyzyqqa bola jaıqalyp turǵan shyrshaǵa balta shabý – qııanat. Degenmen, keıbir aýyldarda shyrsha kesip, alańǵa ornatý álde de tyıylmaı tur. Al oblys ortalyǵynda neshe jyldan beri merekeni jasandy shyrshamen-aq ótkizip júr. Al bıylǵy sáýkele tárizdi shyrsha eldi eleń etkizbeı qoımady. Qoǵam pikiri de ekige jaryldy. Biri shyrsha jańa jyldyq kóńil kúı syılaýy kerek dese, endi biri oıýly shyrsha qazaqy rýhymyzdy kóterip saldy desti.
– О́skemendegi alańǵa ornatylǵan jańajyldyq shyrsha birazynyń betperdesin sheshti. Ultaralyq tatýlyqty qoldamaıtyn, kerisinshe órshite túskisi kelgen ózge ult ókilderi sý betine qalqyp shyǵa keldi. Al qala basshylyǵy bıyl batyl qadamdar jasaı bildi. Dál О́skemenge ornatylǵan shyrsha Qazaqstannyń eshbir qalasynda joq. Shyrshany qazaqylandyrdyq. Erteń Aıaz ataǵa da qazaqtyń shapanyn kıgizsek, artyq bolmaıdy, – deıdi qoǵam belsendisi Aıan Qalymbek.
Iá, sáýkele ispettes shyrshany kemsitip, keleke etken el de joq emes. Qalaı bolǵanda da, О́skemenniń ózgeshe shyrshasy kópshiliktiń nazaryn ózine aýdarmaı qoımady. Shyrshany qyzyqtap sýretke túsip júrgen jurttyń qatary qalyń...
О́SKEMEN