Aqtóbe oblysynda Toyota Land Cruiser jol talǵamaıtyn kóligi sý astyna túsip ketti. Qutqarýshylar arnaıy tehnıka kómegimen kólikti sýdan shyǵardy, dep habarlaıdy Egemen.kz.
Mınıstrlik málimetinshe, 28 jeltoqsanda Land Cruiser kóligi Aqtóbedegi sýqoımasy jaǵalaýynan uzap, 50 metr jerde muz astyna 2,5 metr tereńdikke túsip ketken.
«Balyq aýlaýǵa barǵan júrgizýshi men jolaýshy kólikten shyǵyp úlgergen. Jedel-qutqarý jumystary nátıjesinde kólik sýdan shyǵaryldy. Apat bolǵan jerde muzdyń qalyńdyǵy 5-7 santımetr bolǵan», dedi qutqarýshylar.