Sınoptıkter 2022 jylǵy 1-3 qańtarǵa arnalǵan aýa raıy boljamyn jarııalady, dep habarlaıdy Egemen.kz.
«Aq teńiz aýdandarynan jyljyp kele jatqan soltústik-batys sıklon respýblıkamyzdyń batysyna jaýyn-shashyn (kóbinese qar) alyp keledi. Keıin shyǵys baǵytta jyljyp respýblıkanyń qalǵan bóligine jetedi.
Tek Almaty, Pavlodar jáne Shyǵys Qazaqstan oblystarynda jaýyn-shashynsyz aýa raıy saqtalady. Elimizde jel 15-23 m/s deıin kúsheıedi. Batys jáne ońtústik óńirlerde kóktaıǵaq bolyp, soltústik jáne ortalyq óńirlerde boran soǵady», delingen habarlamada.
Sınoptıkterdiń boljaýynsha, elimizde aýa temperatýrasy birtindep joǵarylaıdy jáne aıazdyń beti qaıtady. 3 qańtarda elimizdiń soltústik jartysynda aýa temperatýrasy túnde 10...18, kúndiz 3-8 gradýs sýyq bolady. Ońtústik jartysynda termometr baǵany 0-5 gradýsqa jetedi, keı jerlerde 0 ... 10 sýyq, kúndiz 3 ... 13 jyly bolady.