Aýrýlardyń halyqaralyq jiktemesiniń jańa, 11-shi nusqasy (ICD-11) 2022 jyldyń 1 qańtarynan bastap resmı túrde kúshine endi. Dúnıejúzilik densaýlyq saqtaý assambleıasy 2019 jyly maquldaǵan bul qujat birqatar jańa taraýlardy, atap aıtqanda, halyqtyq medısına týraly taraýdy qamtıdy. О́z kezeginde, táýeldi buzylýlar bólimi beıne jáne sandyq qumar oıyndarmen tolyqtyryldy, dep habarlaıdy Egemen.kz TASS-qa silteme jasap.
Dúnıejúzilik densaýlyq saqtaý uıymy atap ótkendeı, 10 jyldan astam ýaqyttan beri damyp kele jatqan aýrýlar jikteýishiniń qazirgi nusqasy «aldyńǵy nusqamen salystyrǵanda aıtarlyqtaı jaqsardy - alǵash ret ol tolyǵymen elektrondy formatta jasalǵan».
Qujatqa sáıkes, sandyq nemese vıdeo oıyndardy oınaýdaǵy minez-qulyq modeli oıyndy baqylaýdy buzýmen sıpattalady. Eger minez-qulyq úlgisi jeke, otbasylyq, áleýmettik jáne basqa salalarda buzylýlarǵa alyp kelse jáne kem degende 12 aı boıy baıqalsa, onda beıneoıyndarǵa degen táýeldilik dıagnozy qoıylady.
ICD-11-de oıyn buzylysynyń qosylýy jınaqtalǵan medısınalyq málimetterge baılanysty. Bul jaǵdaıdy elder Densaýlyq saqtaý salasyndaǵy óz strategııalaryn josparlaý kezinde eskeredi dep kútilýde.
Aýrýlardyń halyqaralyq jikteýishine endi táýeldi minez-qulyqtyń basqa túrleri, atap aıtqanda patologııalyq jınaqtaý, kompýlsıvti (paroksızmaldy) artyq tamaqtaný jáne uzaqqa sozylǵan qaıǵy-qasirettiń buzylýy kiredi.