Elimizde oryn alǵan jaǵdaı Shyǵys Qazaqstandy da syrt aınalyp ótpegeni belgili. О́skemen men Semeı qalalaryndaǵy sherý sońy qaqtyǵystarǵa ulasady degendi kópshilik kútpegen edi. Polısııa qyzmetkerleri men Ulttyq ulan sapyndaǵy 69 adam ártúrli dene jaraqattaryn aldy. Dese de, aram pıǵyldy toptardyń qarsylyǵyna tótep berdi.
Alańǵa jınalǵan tártip buzýshylardyń zańsyz áreketin toqtatýǵa polısııa qyzmetkerlerimen qatar «Shyǵys» óńirlik qolbasshylyǵy da jetken. Arandatýshylardyń túrli qysymdaryna moraldyq-psıhologııalyq turǵyda tabandylyq tanyta bilgen áskerı jasaq oblystyq ákimdikke eshkimniń basyp kirýine jol bermedi. Qoǵamdyq tártipti saqtaý maqsatynda jumyldyrylǵan «Shyǵys» óńirlik qolbasshylyǵyna qarasty 19 áskerı sarbaz ártúrli dárejedegi jaraqattar aldy. Onyń 8-i О́skemen garnızony, 11-i Semeı garnızony boıynsha. «Shyǵys» óńirlik qolbasshylyǵy baspasóz qyzmetiniń bastyǵy Baǵdat Amangeldiniń aıtýynsha, olarǵa dárigerler em-domdaryn jasady, qazir jaǵdaılary turaqty.
– Bul kúnderi sapqa turǵan ár sarbazǵa qaýip tóngeni belgili. Qanshama azamattarymyzdan aıyrylyp qaldyq. Olardyń týǵan-týystaryna «Shyǵys» óńirlik qolbasshylyǵynyń jeke quramy atynan kóńil aıtamyz. Al osynaý qıyn sátterde bizben birge bolǵan azamattarǵa alǵysymyz sheksiz. Ásirese kásipkerler qoldaý bildirip, azyq-túlikpen qamtyp jatty. Endi mundaı tártipsizdikten saqtasyn, – deıdi B.Amangeldi.
Kúshtiń birlikte ekenin túsingen oblys kásipkerleri áskerılerge azyq-túlik, ystyq tamaq, sút ónimderin ákeldi.
– Qystygúni kúshtik qurylymdar kúndiz-túni tártipti qorǵaýda tur. Sondyqtan olarǵa alǵys aıtqymyz keledi. Olarmen birge ekenimizdi, bárimiz bir ekenimizdi bilýi úshin qoldaý kórsetkimiz keledi. Eń bastysy, beıbit ómirge oralyp, urpaqtarymyz alańsyz ómir súrse eken deımin. Táýelsizdigimiz baıandy bolsyn, – deıdi «Maıly daqyldardyń tájirıbelik sharýashylyǵy» JShS dırektory Farıd Ábitaev.
Sonymen qatar basqa da kásipkerler aımaqtaǵy jappaı tártipsizdikterdiń aldyn alyp, jedel áreket etken quqyq qorǵaý organdaryna, órt sóndirý bólimshelerine, medısına qyzmetkerlerine shynaıy rızashylyqtaryn bildirdi. Kásipkerlermen birge quqyq qorǵaý organdarynyń qyzmetkerleri, oblystyq «Halıfa Altaı» meshitiniń eriktileri qoldaý kórsetti. Kópbalaly analar da qoldan kelgen kómekterin aıap qalǵan joq.
Shyǵys Qazaqstanda búgingi tańda jaǵdaı turaqtalǵan. Oblysta azyq-túlik taýarlaryn jetkizýde irkilis joq. Komendanttyq saǵatqa sáıkes barlyq ónerkásiptik kásiporyndar, dúkender, dárihanalar men medısınalyq mekemeler jumys isteıdi. Kommýnaldyq qyzmetter, áleýmettik nysandar, qoǵamdyq kólik jumysy shtattyq rejimde.
Aıta keteıik, Shyǵys Qazaqstan óńirinde 5-9 qańtar aralyǵynda myńnan astam adam ustalyp, onyń 66-syna qylmystyq is qozǵaldy, 7 azamat komendattyq saǵatty buzyp, ákimshilik jaýapkershilikke tartyldy.
Shyǵys Qazaqstan oblysy