«Qazaqtelekom» ósimaqyny alyp tastady

Máselen, «Qazaqtelekom» jeke tulǵalarǵa qańtar aıynda telekommýnıkasııa qyzmetine tólemaqyny keshiktirgeni úshin tólenetin ósimaqyny alyp tas­ta­dy. Sondaı-aq iD TV jáne TV+ sıfrly teledıdar qyzmeti tirkelgen ınternet qyzmetin qoldanýshylardyń bar­lyǵyna ınternet bolmaǵan jaǵdaıda da qurylǵyda, qo­symshada, tv.telecom.kz saıtynda qoljetimdi. Búginde atalǵan qyzmet qazaqstan­dyq telearnalardy retranslıa­sııa­laýda. Keıin TV+ servısi basqa da operatorlardyń, sonymen qatar mobıldi operatorlardyń jelilerinde usynylady.

«Qazaqtelekom» AQ abo­nent­terine 31 qańtarǵa deıin shek­teý­siz qalaaralyq tele­fon shalýǵa, sonymen qa­tar elimizdegi baılanys ope­ra­torlarynyń mobıldi nó­­­mir­­lerine tirkelgen qalalyq nó­mir­­­lerge qosymsha tólemsiz ha­bar­lasý úshin 1000 mınýt tegin taratty. «Kar-Tel» (Beeline Kazakhstan) AQ-nyń otan­dyq telearnalar men oıyn-saýyq kontentin ta­ma­­shalaýǵa múmkindik bere­tin BeeTV servısi de qol­jetimdi, al Beeline mobıldi qosymshasynda ınternet bol­masa da «Memlekettik jańa­lyqtar» aıdarynda sońǵy aqparattardy kórýge bolady. Buǵan qosa, Mem­leket bas­shysynyń tapsyrmasyna sáıkes Beeline, Kcell, Activ, Tele-2, Altel baılanys operatorlary barlyq abonentterge tegin 300 mınýt pen 200 SMS taratty.