Elimizdegi búgingi ahýal kezinde otandyq mádenıet pen tarıh muralarynyń taǵdyryna nemquraıdy qaramaıtyndardyń barlyǵyn respýblıkalyq telearnalardyń birinde «Eldiń altyn qory» joıyldy degen habar tolǵandyrdy.
Mádenıet jáne sport mınıstrliginiń habarlaýynsha, bul aqparat shyndyqqa janaspaıdy. «Qazaqstan» respýblıka lyq teleradıokorporasııasynan alynǵan aqparat boıynsha, Almaty qalasyndaǵy fılıal ǵımaratynda saqtalǵan kınomaterıaldarǵa shyǵyn kelgen.
Bul rette buryn «Qazaqstan» RTRK 2017 jyldan 2021 jylǵa deıin kınofotoqujattar men dybys jazbalarynyń Ortalyq memlekettik muraǵatyna (QR MSM vedomstvolyq baǵynysty uıymy) saqtaýǵa bergen kınonyń «Altyn qorynyń» 500-ge jýyq saqtaý birligi bar eleýli bóligi bútin jáne saqtalǵan.
Aıta keteıik, KFDJQ kıno qory 4 698 derekti fılmdi quraıdy, onyń ishinde «Qazaqtelefılm» stýdııasynyń 1000-ǵa jýyq kınolentasy bolsa, 504-i kórkem fılm. Al jalpy arhıvte, Ulttyq arhıv qorynyń quramynda 209 289 birlik kıno-foto-fonoqujat bar, olar tolyq saqtaýly.