Almaty oblysynda oryn alǵan jappaı tártipsizdik kezinde 337 adam medısınalyq kómekke júgingeni anyqtaldy. Jaraqat alǵandardyń 13-i áskerı qyzmetker, dep habarlaıdy Egemen.kz.
Búginde ár qıly dene jaraqatyn alǵan 109 adam aýrýhanada em qabyldaýda. Almaty oblysy densaýlyq saqtaý basqarmasynyń basshysy О́mirzaq Nııazbekov dárigerlerge mıtıngke qatysqandar tarapynan shabýyl jasalmaǵanyn aıtty.
«Kóshede oryn alǵan tártipsizdikke qaramastan dárigerler men jedel járdem qyzmetkerleri jumystaryn adal atqardy. Dárigerlerge ereýilshiler shabýyl jasaǵan joq. Jappaı tártipsizdik kezinde oblystyq jedel járdem stansııasynyń bir qyzmetkeri zardap shekti. Jedel járdem kóligine atqan oqtyń saldarynan synǵan áınek júrgizýshini jaraqattaǵan. Qazirgi tańda kólik júrgizýshisiniń jaǵdaıy turaqty», dedi basqarma basshysy.