Qazgıdromet mamandary 15-17 qańtar aralyǵynda aýa raıy qandaı bolatynyn aıtty, dep habarlaıdy Egemen.kz.
Respýblıkanyń kóp bóliginde aýa raıyna Barens teńizi aýmaǵynan keletin sıklon áser etedi. Sonyń áserinen jaýyn-shashyn, qar, boran, kóktaıǵaq bolady. 15-28 m/s jyldamdyqpen jel soǵady.
Elimizdiń batysy, soltústigi, ońtústiginde 30 m/s deıin jetetin ekpindi jel bolady. Termometr baǵandary 17 qańtarǵa jaqyn, túngi ýaqytta batysta 5-13 aıazǵa deıin, soltústik óńirlerde 5-15 aıazǵa deıin tómendeıdi.
Eldiń ońtústiginde -5...+5 gradýs bolady dep boljandy.
Almatyda 15 qańtarda kún bultty, túnde -1°C, kúndiz +9°C bolady. 16 qańtarda jańbyr jaýady, túnde 0°C, kúndiz +13°C kórsetedi. 17 qańtarda kún bultty bolady, jańbyr jaýady. Túnde +2°C, kúndiz +8°C jyly bolady.
Nur-Sultan qalasynda 15 qańtarda túnde -10°C, kúndiz 0°C kórsetedi. Jańbyr aralas qar jaýady. 16 qańtarda qar jaýady, túnde -11°C, kúndiz -1°C kórsetedi. 17 qańtarda qar jaýady, túnde -8°C, kúndiz -3°C.
Shymkentte 15-17 qańtar aralyǵynda jańbyr jaýady. Túnde aýa temperatýrasy +5...+7°C aralyǵynda bolady. Kúndiz 15-16 qańtarda aýa temperatýrasy 12°C kórsetse, 17 qańtarǵa qaraı tómendep, +7°C jetedi.