Qazaqstandyq Anna Danılına juptyq synda Sıdneı WTA 500 týrnıriniń fınalyna shyqty, dep habarlaıdy Egemen.kz QTF baspasóz qyzmetine silteme jasap.
Danılına brazılııalyq Beatrıs Haddad Maııamen birge jartylaı fınalda jarystyń 2-raketkalary, japonııalyqtar Sıýko Aıaoma – Ena Shıbaharamen sheberlik baıqasty.
Birinshi partııada jetinshi geımde Anna men Beatrıs breık jasap, sol basymdyqty saqtap qaldy.
Ekinshi sette taı-breıkte japonııalyqtar ábjildik tanytty. Sýper taı-breıkte qazaqstandyq-brazılııalyq jup 5:2 esebimen alda turǵanymen, qarsylastarynyń tarazy basyn teńestirýine jol berdi. Degenmen sosyn eki mını-breık jasap, jeńisti julyp aldy.
Anna men Beatrıs fınalda germanııalyq Vıvıan Haızen – majarstandyq Panna Ýdvardımen bas júldeni sarapqa salady.