Almaty qalasy Polısııa departamentiniń bastyǵy Qanat Taımerdenov búlik kezinde sodyrlar kóshede beı-bereket oq atqanyn málimdedi, dep jazady Egemen.kz.
Qanat Taımerdenovtyń sózinshe, búlikke qatysýshylar qala kóshelerinde beı-bereket oq jaýdyryp, kezdeısoq ótip bara jatqan adamdardy, dúken satýshylary men kóligin berýden bastartqan júrgizýshilerdi óltirgen.
«Osyndaı áreketpen 6 qańtar kúni rejısser Sáken Bıtaev óltirildi. Sol kúni keshki saǵat 21.30 shamasynda Almaty qalasy ákimdigi janynda ákim B. Saǵyntaevtyń kartejine de oq jaýdyryldy. Qastandyq saldarynan «Almaty» telearnasynyń qyzmetkeri qaza taýyp, taǵy úsh adam, onyń ishinde ákimdiktiń eki qyzmetkeri jaralandy», dedi ol.
Sondaı-aq, ol sodyrlardyń áreketteri aldyn ala uıymdastyrylǵanyn, alań mańyndaǵy 493 beınekamerany isten shyǵarǵanyn aıtty.