Qazaqstannyń úsh qalasynda mektep oqýshylary onlaın formatta oqıdy. Bul týraly Bilim jáne ǵylym mınıstrligi mektepke deıingi jáne orta bilim komıteti tóraıymy Gúlmıra Karımova málim etti, dep habarlaıdy Egemen.kz.
«Búgin mektepte úshinshi toqsan bastaldy, ol 18 naýryzǵa deıin jalǵasady. Oqý ártúrli formatta bolady. Mınıstrliktiń ustanymy mektep oqýshylarynyń dástúrli formatta oqyǵany jáne sol úshin bar jaǵdaıdy jasaıdy. Degenmen epıdjaǵdaıdyń kúrdelene túsýine baılanysty elimizdiń 3 qalasynda – Nur-Sultan, Almaty jáne Shymkentte oqýshylar qashyqtan, ıanǵı onlaın formatta oqıtyn bolady. Qazirgi ýaqytta mektepterdi tehnıkalyq turǵydan qamtý jumysy aıaqtalyp jatyr», dedi Gúlmıra Karımova.
Onyń aıtýynsha, basqa óńirlerde de 600-den kóp oqýshysy bar mektepter qashyqtan oqýǵa kóshýi tıis.
«Mektepte 600 oqýshydan az bolsa dástúrli formatta bilim berýge ruqsat», deıdi vedomstvo basshysy.