Almaty qalalyq soty tótenshe jaǵdaı rejımin buzǵandarǵa qatysty jazany jeńildetti, dep habarlaıdy Egemen.kz.
Qalalyq sot tótenshe jaǵdaı rejımin buzǵan ákimshilik quqyq buzýshylyq týraly 71 materıaldy (ÁQBtK-niń 476-babynyń 1-tarmaǵy, 1-bóligi) qarady.
Almaty aýmaǵynda saǵat 23.00-den tańǵy 7.00-ge deıin komendanttyq saǵat engizilip, tótenshe jaǵdaı jarııalandy. Komendanttyq saǵat kezinde sebepsiz kóshege shyqqan qala turǵyndary Almaty polısııasynyń qyzmetkerlerine ustaldy. Birinshi satydaǵy sot barlyq tártip buzýshylarǵa aıyppul saldy.
«Apellıasııalyq sot alqasy materıaldardy qarap, atalǵan tulǵalardyń barlyǵy óz kinásin moıyndaǵanyn, buryn ákimshilik jaýapkershilikke tartylmaǵanyn anyqtady. Olar jasaǵan isine ókinish bildirgendikten jazasy jeńildetildi», dedi qalalyq sot.
Osy mán-jaıdy eskere otyryp, sot atalǵan zań buzýshylardyń barlyǵyna jazany jeńildetip, eskertý túrinde qaldyrdy.