Jylyna eki ret ónim alady

Kúzdik bıdaı egip, ony jazda oryp ala salysymen ornyna sábiz egip tastap, kúzde mol ónim jınap alatyn jankeshtilikti siz kórdińiz be? Bir jylda egistikten eki ret ónim alyp, jerdi tıimdi paıdalanýdyń bul tájirıbesi Saıram aýdanynda búginde jańalyq emes. Sodan bolar, halqy kóp, shetinen eńbekqor bul aýdanda  «jumys tappadym, jumys joq» degen áńgime kóterilmeıdi. Bul jaqta jumys emes, jer surap keletinder kóp. Endi mine, saıramdyqtar jylyjaıdy kóbeıtip, eki ret ónim alýdy keńinen qolǵa alýda. О́tken aptada Saıram aýda­nyn­daǵy «F. Iftıharı» jeke kásip­kerliginiń jylyjaı keshe­niniń qurylysymen tanysyp qaıt­tyq. Osy sharýashylyqtyń is bas­qarýshysy Kamal Qalda­rovtyń aıtýyna qaraǵanda, jyly­jaı qurylysy 1 jyl buryn bastalǵan eken. Jylyjaı jabdyqtarynyń bári Izraıl elinen jetkizilgen.  Barlyq tetik tek kompıýter arqyly jumys isteıdi. Eger kenetten aýa raıy buzylatyn bolsa, terezeler avtomatty túrde ózi jabylady. Joba údemeli ındýstrııalyq-ınnovasııalyq damý memle­kettik baǵdarlamasynyń Indýs­trııalandyrý kartasy aıasynda júzege asýda. Quny 488,9 mln. teńgeni qurap, 2 gektar aýmaqty alyp jatqan bul jylyjaıda jylyna 800 tonna qııar, qyzanaq ósiriletin bolady. Taǵy bir aıtary, jylyjaı kóshetti syrttan almaıdy, ózderinde ósiredi. «Jumysshylardyń bá­ri jergilikti turǵyndar. Gol­­lan­dııalyq mamandar olar­ǵa sheteldik tehnologııany meńgerýdiń qyr-syryn úı­ret­ti. Qazirgi tańda 20 adamdy jumyspen qamtamasyz etip otyr­myz. Alǵashqy ónimdi sáýir aıynyń ortasynda jınaımyz. Jylyjaıdan jylyna 2 márte ónim alynady. Jumysty 1 ǵana operator baqylap, tetik­terdi qosyp-óshirip otyrady. Bo­lashaqta ónimdi aldymen jer­gilikti bazarlarǵa taratamyz. Sondaı-aq, qazirdiń ózinde Reseı, Almaty, Astanadan, basqa da oblystardan tapsyrystar túsip jatyr», deıdi Kamal Qaldarov. Iаǵnı bul kásiporyn qys mez­gilinde qyzanaq baǵasyn turaq­ty qalpynda ustap turýǵa múm­kindik berip, óńirdiń azyq-túlik qaýipsizdigine septigin tıgizetini anyq. Joba tolyǵymen «QazAgroqarjy» AQ tarapynan qarjylandyrylyp, «Bız­nes­tiń jol kartasy-2020» baǵ­dar­lamasy aıasynda ınje­nerlik-kommýnıkasııalyq ın­fraqurylymmen qamtylǵan. Jalpy alǵanda, búginde Saıram aýdanynda Indýstrııalandyrý kartasy aıasynda 7 joba iske asyrylýda. Al, oblys boıynsha 155,0 gektarǵa qosymsha jylyjaılar salynyp, jalpy kólemi 720,0 gektarǵa jetti. Osy jylyjaılar esebinen ótken jyly 150 myń tonna kókónis ónimi óndirildi. Oralhan DÁÝIT, «Egemen Qazaqstan». Ońtústik Qazaqstan oblysy, Saıram aýdany. Sýretterdi túsirgen Arman ÁBDIRAShULY.