Keshe Qazaqstan Respýblıkasy Parlamenti Senatynyń Tóraǵasy Qasym-Jomart Toqaev Halyqaralyq beıbitshilik ınstıtýtynyń prezıdenti Tere Rod-Larsenmen kezdesti, dep habarlady Senattyń baspasóz qyzmeti.
Belgili norveg dıplomaty, BUU Bas hatshysynyń burynǵy orynbasary jáne Taıaý Shyǵystaǵy beıbit retteý jónindegi BUU-nyń Arnaýly úılestirýshisi T.Rod-Larsen ózi basqaryp otyrǵan Halyqaralyq beıbitshilik ınstıtýtynyń saraptamalyq qyzmeti men jobalary týraly baıandap berdi.
Júzdesýshiler qazirgi zamandaǵy halyqaralyq qatynastar, qaýipsizdik jáne halyqaralyq quqyqtyń ózekti máseleleri, sondaı-aq, qubylmaly álemdegi Birikken Ulttar Uıymynyń róli týraly pikir almasty.
Sol kúni Q.Toqaev Japonııanyń Qazaqstandaǵy elshisi Masaesı Kamoharany da qabyldady. Parlamentaralyq baılanystardyń keleshegi men ekijaqty ekonomıkalyq jáne ınvestısııalyq yntymaqtastyqtyń máseleleri talqylandy. Q.Toqaevtyń pikirinshe, Japonııa Premer-mınıstri Shındzo Abeniń Qazaqstanǵa josparlanyp otyrǵan sapary Qazaqstan men Japonııa qatynastaryndaǵy mańyzdy oqıǵa retinde ózara tıimdilikke qýatty serpin beretin bolady.