Pavlodar oblysyndaǵy jas ana 3 jyl boıy qaıtys bolǵandar tiziminde bolǵan. Bul týraly «24 kz» habarlady.
Pavlodar oblysynyń turǵyny Symbat Bertalına óziniń qaıtys bolǵandar tiziminde turǵanyn tek qyzyn bosanǵannan keıin bilgen. Balany úıine shyǵarǵan sátte ákesi týý týraly kýálik alýǵa Halyqqa qyzmet kórsetý ortalyǵyna barady. Symbattyń 3 jyl boıy qaıtys bolǵandar tiziminde turǵany da sol kúni belgili boldy. Osyǵan baılanysty olar nárestege qujat rásimdeýde qıyndyqtarǵa tap keldi.
2011 jyly Symbattyń úlken apaıy Qymbat dúnıeden ótken bolatyn. Qatelik sol kezde jiberilse kerek. Al Halyqqa qyzmet kórsetý ortalyǵyndaǵy qyzmetkerler bul shıkilikke túsinik berýden bas tartty. «О́zimdi qaıtys bolǵandar tizimine engizgenin estigende, qatty qobaljydym. Meni qalaı apammen shatastyryp alǵan? Qazir osy óreskel qatelik saldarynan balama tıesili qujat pen jórgek puldy ala almaı júrmin»,-deıdi Symbat Bertalına.
Pavlodar oblystyq prokýratýrasy birinshi basqarmasynyń prokýrory Danııar Ysqaqov búginde osy máselege qatysty tekserý júrgizilip jatqanyn jáne nárestege jaqyn arada qujat beriletinin málimdedi.
Ámirhan Almaǵanbetov.
Derekkóz: «24 kz».
Foto: «24 kz».