Búgin, 17 naýryz kúni Astanaǵa irgeles ornalasqan Qosshy eldi mekeni jolynda aýyr júk kóligi men jolaýshylar avtobýsy soqtyǵysyp, birneshe adam zardap shekti. Bul týraly Egemen.kz tilshisi habarlady.
Tańerteńgi saǵat 7:20-da Qosshy eldi mekeninen Astana qalasyna baǵyt alǵan jolaýshylar avtobýsy men qarsy baǵytta kele jatqan aýyr júk kóligi soqtyǵysyp, 1 saǵattaı ýaqyt boıy kólik keptelisi oryn aldy. Beıresmı derek kózine júginsek, osy jol apatynan 11 adam ártúrli dene jaraqatyn alǵan. Al 2 adamnyń jaǵdaıy nashar kórinedi.
Kún saıyn Qosshy eldi mekenine Astana qalasy baǵytynan aýyr júk kólikteri birinen soń biri ótip jatady. Ári osy jol jıegindegi baǵdarsham birde istep birde múlde sónip turady.
Qosshydan beri Lesnaıa polıana dep atalatyn aımaq bar. Onda kópqabatty 20-dan asa turǵyn úı ornalasqan. Osy eki aralyqqa qatynaıtyn jolaýshylar avtobýsy qatary da jyl sanap artyp keledi. Onyń ústine mundaǵy turǵyndardyń basym bóligi kóligimen qalaǵa qatynap jumys isteıdi. О́ıtkeni, bul jerde mektep pen balabaqsha jáne dárigerlik-ambýlatorııalyq pýnkt ǵana bar.
Ámirhan Almaǵanbetov.
Derekkóz: Egemen.kz.
Foto: Egemen.kz.