О́tken senbi kúni elimizde kópten beri kútken fýtbol maýsymy bastaldy. Osy kúni Qazaqstan premer lıgasynyń birinshi týry alty qalada ótti. Bul týraly Qazaqstan fýtbol federasııasy habarlady.
Alǵashqy týrdyń alǵashqy matchy Zatabol qalasynda Qostanaıdyń «Tobyl» jáne Semeıdiń «Spartak» komandalarynyń arasynda ótti. Osy matchta bıylǵy maýsymnyń alǵashqy golyn semeılikter sapynda Maksım Azovskıı soqty. Degenmen, qonaqtar oıyn sońyna deıin esepti saqtaı almady. Bul kezdesýde esep 2:1 bolyp qostanaılyqtardyń paıdasyna sheshildi. Onda Anatolıı Bogdanov pen Ognen Krasıch bir-bir doptyń avtory atandy.
Osy týrdaǵy eń qyzyqty oıyn Qyzylordanyń «Qaısar» men Shymkenttiń «Ordabasy» klýbtarynyń arasynda ótti. Ońtústiktiń «derbıi» bolǵan oıynda alań ıeleri 1:0 esebimen jeńiske jetti. Kezdesýde jalǵyz goldy 23 mınýtta penaltıden Savıch soqty. Al «Astana» men «Jetisý» komandalarynyń arasynda ótken matchta alań ıeleri mundaı múmkindikti paıdalana almady. Onda kezdesýdiń 50 mınýtynda «Astananyń» oıynshysy Sısero 11 metrlik aıyp dobyn soǵa almaǵan soń esep ashylmaı, 0:0 bolyp aıaqtaldy. Birinshi týrdyń basqa matchtarynda mynadaı esep tirkeldi. «Ertis» óz alańynda «Shahterdi» 1:0 esebimen jeńdi. «Atyraý» syrt alańda «Qaıratty» 1:0, «Aqtóbe» Tarazda jergilikti komandany 2:0 esebimen utty.
Endi kelesi týrda «Qaısar» - «Taraz», «Ordabasy» - «Astana», «Atyraý» - «Tobyl», «Jetisý» - «Qaırat», «Spartak» - «Ertis», «Shahter» - «Aqtóbe» komandalary kezdesedi.
Dastan Kenjalın.
Derekkóz: http://.www.kff.kz.
Foto: http://.www.kff.kz.