Byltyrǵy chempıondar lıgasynyń jeńimpazy, «Bavarııa» fýtbol klýbynyń prezıdenti Ýlı Heness salyq tóleýden jaltarǵany úshin 3,5 jylǵa bas bostandyǵynan aıyryldy. Bul týraly Utro.ru habarlady.
Jýyrda Mıýnhen qalalyq soty Ý.Henesske salyq tóleýden jaltaryp, birqatar qarjylyq aıla-amaldardy iske asyrdy degen aıyppen 3,5 jylǵa bas bostandyǵynan aıyrý jóninde úkim shyǵarǵan bolatyn. Ol óz áreketterine ókinish bildirip, «Bavarııa» fýtbol klýbynyń prezıdenti jáne baqylaý keńesiniń tóraǵasy qyzmetterinen ketetinin málimdedi.
Endi Ý.Heness Landsberg-na-Lehe qalasyndaǵy túrmege jiberilýi múmkin. Aıta ketetin jaıt, ótken ǵasyrdyń basynda bul túmede Adolf Gıtler jazasyn ótegen eken. Júz jyldan astam ýaqyt buryn salynǵan kolonııa 565 tutqynǵa eseptelgen.
Aıdar О́risbaev.
Derekkóz: Utro.ru.
Foto: Football.ua.