Mańǵystaý oblysyndaǵy birneshe aýylǵa qum astynda qalý qaýpi tónip tur. Bul týraly «24 kz» habarlady.
Jer astyndaǵy sý kózderi sarqylyp, ósimdik jamylǵysy joıylyp ketken soń Senek, Ushtaǵan jáne Tushyqudyq aýyldaryna qaraı qum kóshe bastapty. Al elimiz ǵalymdary munyń aldyn alý úshin shól dalaǵa birqatar tózimdi ósimdikterdi egeýge usynys jasaǵan.
Jalpy, atalǵan óńirge qarasty Ushtaǵan aýylynyń mańy Saharanyń shóline uqsaıdy. Dál osy jerde birneshe jyl buryn bútin bir aýyl turǵan-dy. Úıleri qum astynda qalǵandyqtan júzdegen turǵyn basqa jerge qonys aýdardy. Qum kóshkininen qonys aýdarý tyǵyryqtan shyǵýdyń joly emes.Sondyqtan jergilikti bılik onyń aldyn alý maqsatymen alty jyl buryn «Jasyl álem» mekemesin qurdy. Sonyń negizinde qamystardan jasandy bógetter jasalyp, shólge tózimdi birqatar ósimdikter egildi. Máselen, qońyr kómirden alynǵan tyńaıtqyshty jantaq, júzgen jáne sekseýil syndy ósimdikterdiń ósýine paıdalanýda. Ǵalymdar bul tyńaıtqyshtyń óte tıimdi ekenin aıtady.Bul týrasynda respýblıkalyq hımııa ǵylymdary ınstıtýtynyń qyzmetkeri Aınur Shákirova bylaı deıdi: «Bizdiń preparattyń eń jaqsy jaǵy – ósimdikterdiń tamyrlanýyna jaqsy áser etedi. Al ósimdik neǵurlym tamyrlanǵan saıyn óziniń ósip-ónýine, aýa raıynyń qolaısyz jaǵdaıyna tózimdi bolyp keledi».
Qazir qumnan qorǵaný jumystaryna aýyldaǵy úlken-kishi atsalysýda. Keıbiri kóshetter otyrǵyzyp jatyr. Jalpy, osy óńirdegi qum kóshkinin toqtatý úshin áli de 200 sharshy shaqyrym jer qalpyna keltirilýi tıis.
Ámirhan Almaǵanbetov.
Derekkóz: «24 kz».
Foto: Egemen.kz.