Nur-Sultan qalasy ákimdiginiń Mýzykalyq jas kórermen teatry ujym bolyp qalalyq №2 emhanada qaýipti indetke qarsy ekpeniń úshinshi komponentin saldyrdy.
Qaýipti indetten qorǵanýdyń jalǵyz joly – revaksınalaý. Sońǵy ýaqytta álemde de, elimizde de aýrý sany qaıta ósýde. Sondyqtan teatr dırektory Ashat Maemırov ózi bastap óner ıeleri ekpeniń úshinshi kezeńine qatysyp, munyń halyqqa qajettiligin kórsetti.
«Aqpan aıynan bastap bizdiń Mýzykalyq jas kórermen teatry qoıylymdaryn óz kórermenderine tartý etedi. Al kórermenderdiń qaýipsizdigi biz úshin birinshi kezekte. Sondyqtan kórermenderimiz, qoıylymdy qaýip-qatersiz emen-jarqyn joǵary kóńil kúıimen tamashalap otyrýy biz úshin mańyzdy. Teatr basshysy retinde ózim bastap, ártisterimiz ben rejısserlerimiz revaksınalanyp jatyrmyz. Qazirgi tańda 20-dan astam teatr ártisi ekpe aldy. Revaksınalaý teatr qyzmetkerleri tolyq ótkenshe jalǵasa bermek», dedi Ashat Maksımuly.
Aldaǵy ýaqytta teatrǵa kórermenderdiń kelýine múmkindikter jasalýda. Sondyqtan sahnada óner kórsetetin teatr ártisteri ereje boıynsha ekpeniń ekinshi kezeńinen 6 aıdan soń revaksınadan ótýi kerek.