Keshe Ortalyq kommýnıkasııalar qyzmetinde «Zerde» ulttyq aqparattyq-kommýnıkasııalyq holdıngi» AQ-tyń basqarma tóraǵasy Mırbolat Aıýpov baspasóz máslıhatyn ótkizdi. Ol elimizde aqparattyq-kommýnıkasııalyq tehnologııalar men osy saladaǵy naryqty damytý týraly áńgimeledi.
Atalǵan holdıng elimizde elektrondyq memlekettik qyzmetterdi damytý salasyndaǵy operator ekeni málim. Sondyqtan, Memleket basshysy Nursultan Nazarbaevtyń bıylǵy Joldaýyna oraı holdıngte qabyldanǵan negizgi sharalar jóninde sóz boldy. «Elbasy Joldaýynda aıqyndaǵan negizgi mindetterdiń biri – ekonomıkany ındýstrııalandyrý jáne ınnovasııalandyrý negizinde qurý qajet ekendigi týraly úndeý boldy», dep bastady sózin basqarma tóraǵasy. Onyń sózine qaraǵanda, búgingi tańda aqyldy ekonomıkany aqparattyq-kommýnıkasııalyq tehnologııalar salasyn damytýsyz qurý múmkin emes. Sondyqtan, byltyr «Aqparatty Qazaqstan-2020» memlekettik baǵdarlamasy jasalyp, qabyldanǵan eken. Odan beri birtalaı jumys atqarylǵan.
Bul baǵdarlamanyń basty maqsaty – aqparatty qoǵamǵa ótý úshin qajetti sharttar jasaý. Sebebi, ómirdiń barlyq salasyna aqparattyq-kommýnıkasııalyq tehnologııalardy engizý zamanaýı shynaıylyqtyń ajyramas bóligine aınalyp úlgergen. Atalǵan baǵdarlamanyń saladaǵy aldyńǵylarynan úlken aıyrmashylyǵy bar. Onda eldegi aqparattyq-kommýnıkasııalyq ınfraqurylymnyń bárine tolyq qoljetimdilikti qamtamasyz etýden bastap, qoǵamnyń áleýmettik-ekonomıkalyq jáne mádenı damýy úshin aqparattyq orta quryp, qalyptastyrýǵa deıin qamtylǵan.
Qazaqstanda sońǵy jyldary elektrondy saýda salasynyń qarqyndy damyp kele jatqany da nazardan tys qalmady. «Elektrondy saýdanyń damýy – ol qoǵam damýynyń kórsetkishteriniń biri. Osy jolda ınfraqurylymdy, málimetter berýdiń ınfraqurylymyn damytý qajet. Al bul másele Qazaqstanda tolyqtaı sheshilgen. Sondaı-aq, kontenttiń, servıstiń paıda bolýy da mańyzdy mindetterdiń biri», dedi M.Aıýpov.
Ol mamyr aıynda holdıng elektrondy saýda taqyrybyna arnalǵan «Asteks-2014» halyqaralyq kórme-konferensııasyn ótkizgeli otyrǵanyn da aıtty. «Elektrondy saýda qazir Qazaqstanda óte úlken qarqynmen damyp keledi. Jańa ındýstrııa retinde ol negizgi servıster boıynsha damý ústinde. Qazirdiń ózinde «Eır Astana», «Qazkom» syndy elektrondy saýda naryǵynda kóshbasshylar da paıda boldy», dedi holdıng tóraǵasynyń orynbasary B.Qurmanǵalıeva.
Brıfıngte salaǵa qatysty zań týraly da áńgime boldy. «Zańnamalyq baza árbir salanyń damýy úshin negiz bolatyny belgili. Sol sııaqty, elektrondy saýdaǵa qatysty zań jobasy qazir tolyq daıyn jáne aldaǵy ýaqytta Úkimetke joldanady. Zań jobasyn ázirleýge barlyq ınternet-qaýymdastyq qatysty deýge bolady. Olar ózderiniń múddeleri men quqyqtaryn talap etip, onyń qujatta qarastyrylýyna qol jetkizdi. Mysaly, elektrondy shot-faktýranyń engizilýi de úlken jetistik bolyp tabylady», dedi tıisti zańǵa qatysty suraqqa jaýap bergen basqarma tóraǵasy.
Sóz qorytyndysynda holdıng jetekshisi elektrondy qyzmet elimizde irkilissiz damı beretinin aıtyp, qoǵam ıgiligi úshin kún sanap quzyretin keńeıte beretinine toqtaldy.
Nurbaı ELMURATOV,
«Egemen Qazaqstan».