Ekinshi orta salmaq dárejesindegi álemniń absolıýtti chempıony, meksıkalyq Saýl «Kanelo» Alvarestiń bapkeri boksshynyń 2022 jylǵa arnalǵan jospary týraly oıymen bólisti, dep habarlaıdy Egemen.kz Fightnews.info.-ǵa silteme jasap.
«Biz osy jyly eki márte sharshy alańǵa kóterilýdi josparlap otyrmyz. Mamyr jáne qyrkúıek aılarynda «Kanelo» boks jankúıerlerine tamasha shoý usynady. Saýl alǵashqy shaıqasyn AQSh tórinde ótkizedi. Ekinshi jekpe-jekte Meksıkadaǵy «Azteca» stadıonynda rıngke shyqsa degen nıetimiz bar. Árıne, Mehıkoda mundaı boks keshin uıymdastyrý múmkin be degen saýal týyndaıdy. Ony endi ýaqyt kórsete jatar», deıdi bapker óz oıyn túıindep.