Búgin Beıjińdegi Aq Olımpıada oıyndarynda konkımen júgirý sporty, shańǵy jarysy, frıstaıl jáne short-trek boıynsha alǵashqy medaldar jıyntyǵy sarapqa salynady, dep habarlaıdy Egemen.kz.
Beıjińdegi XXIV qysqy Olımpıada oıyndarynyń alǵashqy chempıony áıelder skıatlonda anyqtalady.
5 aqpanda tústen keıin konkımen júgirý sporty boıynsha jarystar bastalady. 3000 m qashyqtyqtaǵy áıelder arasynda Qazaqstan namysyn Nadejda Morozova qorǵaıdy.
Short-trekten jarys Beıjiń Olımpıadasynda debıýt jasaıtyn aralas estafetadan bastalady. Qazaqstan quramasynyń quramynda Abzal Ájǵalıev, Denıs Nıkısha, Olga Tıhonova jáne Iаna Han bar.
Konkımen júgirýshi Ádil Ǵalıahmetov biliktiliginde 1000 m qashyqtyqqa júgiredi.
Pavel Kolmakov pen Dmıtrıı Reıherd mogýldaǵy Olımpıadanyń fınalyna ekinshi ret shyǵý úshin kúresetin bolady. Ol úshin úzdik ondyqqa kirý kerek. Sol kúni keshke erler mogýlynda fınal ótedi.
Sondaı-aq, búgin tramplınnen sekirý boıynsha jarystar bastalady. Jeke birinshilikte qazaqstandyq «ushqysh shańǵyshylar» Sergeı Tkachenko men Danıl Vasılev óner kórsetedi.
Aıta ketsek, oıyndardyń ashylý saltanaty keshe, 4 aqpanda ótti.