Qazaqstandyq atletter Danıl Vasılev pen Sergeı Tkachenko tramplınnen sekirý boıynsha biliktilikte Beıjiń Olımpıadasyndaǵy jarystyń kelesi raýndyna irikteldi, dep habarlaıdy Egemen.kz.
Jarysqa Danıl Vasılev pen Sergeı Tkachenko qatysty. Eki sportshy da týrnırdiń birinshi raýndyna shyǵa aldy.
Biliktilikte Danıl Vasılev - 46,2, al Sergeı Tkachenko - 43,1 ball ıelendi. Bul otandyq sportshylarǵa kedergilerdi ońaı jeńýge múmkindik berdi.
Jalpy, biliktilikke 53 sportshy qatysyp, olardyń 50-i negizgi kezeńge shyqty. Biliktilik irikteý qaǵıdalary boıynsha birinshi negizgi raýndqa eń joǵary kórsetkishteri bar 50 qatysýshy shyǵady. Baǵdarlamanyń osy túrindegi medaldar erteń, 6 aqpanda oınatylady.