QR Bilim jáne ǵylym mınıstrligi 2022 jyly kolledjderde bilim alýǵa bólinetin memlekettik tapsyrys sany 10 000 orynǵa artatynyn málimdedi, dep jazady Egemen.kz.
107 myń qazaqstandyq stýdent kolledjderde mamandyqtardy tegin meńgere alady. Bul týraly QR BǴM Tehnıkalyq jáne kásiptik bilim departamentiniń dırektory Nasymjan Ospanova aıtty.
«9-synypty bitirýshilerdiń barlyǵy «Bilimdi ult» sapaly bilim berý» Ulttyq jobasy aıasynda kezeń-kezeńimen tegin oqı alady. Bıylǵy oqý jylynda alǵash ret áleýmettik osal top sanatyndaǵy balalardyń kolledjderge túsýi úshin taǵy úsh kvota engizildi. Kvota kópbalaly, tolyq emes otbasynan, erekshe qajettilikteri bar balalardy tárbıelep otyrǵan otbasynan shyqqan balalarǵa arnalǵan. Buryn mundaı múmkindik jetim, ata-anasynyń qamqorlyǵynsyz qalǵan, erekshe qajettilikteri bar balalarǵa, sondaı-aq jeńildikter boıynsha Uly Otan soǵysy qatysýshylaryna teńestirilgen tulǵalarǵa qarastyrylǵan edi. Aýyl jastary da kvota boıynsha memlekettik tapsyrysty alady», dedi Nasymja Ospanova.
Sonymen qatar bilim berýdiń ashyqtyǵy men qoljetimdiligin qamtamasyz etý úshin mınıstrlik memlekettik tapsyrystardy «Aqsha stýdenttiń sońynan júredi» qaǵıdaty boıynsha ornalastyrýdyń jańa mehanızmin ázirledi.
Iаǵnı, buǵan deıin granttardy kolledjder arasynda bilim bólimderi ornalastyrǵan bolsa, endi kolledjder arasyndaǵy memlekettik tapsyrys talapkerlerdiń tańdaýy boıynsha bólinetin boldy.