Almaty oblysy boıynsha Sybaılas jemqorlyqqa qarsy qyzmeti azaptaý faktisimen 37 qylmystyq isti tergeýde, dep habarlaıdy Egemen.kz.
«Onyń ishinde Sybaılas jemqorlyqqa qarsy qyzmeti – 27, PD О́zindik qaýipsizdik basqarmasy - 6 is, prokýratýra organdary - 4 isti tirkelgen», dedi Almaty oblystyq sybaılas jemqorlyqpen kúres departamenti basshysynyń orynbasary Dýlat Madııarov.
Vedomstvo ókiliniń aıtýynsha, «Qańtar oqıǵalary» boıynsha tergelip jatqan qylmystyq isterdi tirkeýge negiz bolyp quqyqqorǵaý organdary qyzmetkerlerimen jábirlenýshilerge qylmysty moıyndatý úshin azaptaý kórsetken degen aryzdar men shaǵymdar tabylǵan.
«Polısııa qyzmekterleriniń is-áreketterine qatysty aryzben jábirlenýshilerdiń qorǵaýshylary, týystary, ata-analary jáne ózderi de Sybaılas jemqorlyqqa qarsy qyzmetine júgingen. Sonymen qatar buqara aqparat quraldaryna kúndelikti taldaý jasalynyp, qajetti tergeý amaldary júrgizilýde», dedi Dýlat Madııarov.
Qazirgi tańda, istiń jan-jaqtylyǵyn qamtý maqsatynda kúndelikti qarqyndy birqatar tergeý áreketteri júrgizilýde. Atap aıtqanda, barlyq aryzdanýshylar jábirlenýshi retinde tanylyp, olardan azaptaýdyń qalaı jáne qaı jerde bolǵandyǵy týraly jaýap alyndy, taný jáne bettestirý áreketteri, olarmen oqıǵa bolǵan jerge baryp mán-jaıdyń qalaı bolǵandyǵy týraly tergeý áreketteri júrgizilýde, jaraqattardyń aýyrlyq sanatyn anyqtaý úshin sáıkes medısına salasynyń qyzmetkerleriniń qatysýymen sot-medısınalyq saraptamlar taǵaıyndaldy. Ár jazǵan aryz boıynsha bólek qylmystyq ister tirkelip, jábirlenýshilerdiń ókilderimen jeke dara jumystar atqarylyp jatyr. Ár qylmystyq is boıynsha prosestik prokýrorlar taǵaıyndaldy. Barlyq qylmystyq ister Sybaılas jemqorlyqqa qarsy qyzmeti Agenttigi men prokýratýra organdarynyń qatań baqylaýynda tur.
«О́z tarapymnan, Sybaılas jemqorlyqqa qarsy qyzmeti ár is boıynsha kináli tulǵalardy anyqtaýǵa jáne jaýapkershilikke tartýǵa baǵyttalǵan áreketterdi jalǵastyratyndyǵyn málimdeıdi.Basqa aqparat, tergeýdiń qupııalylyǵyn saqtaý maqsatynda jarııalaýǵa jatpaıdy», dep tolyqtyrdy Almaty oblystyq sybaılas jemqorlyqpen kúres departamenti basshysynyń orynbasary Dýlat Madııarov.