Shymkentte turatyn 37 jastaǵy áıel eki jasar qyzyn uryp óltirdi. Bul týraly Otyrar.kz habarlady.
Abaı aýdandyq polısııa bólimi tergeý bólimshesi bastyǵynyń orynbasary Almat Ábıdınovtyń aıtýynsha, áıel óziniń istegen isin tolyq moıyndaǵan. Onyń 2010 jáne 2012 jyly týǵan qos sábıi bolǵan. Bul joly ony eki qyzdyń qatty jylaǵandary ashýlandyrǵan. Áıel sosyn balalaryn uryp, jylaýlaryn toqtapqashy bolǵan. Dál sol kezde úıde bolǵan týystarynyń aıtýynsha, anasy balalaryn qatty uryp-soǵyp, tipti «qabyrǵaǵa qaraı laqtyryp jibergen».
Osy oqıǵanyń saldarynan bas súıegine zaqym kelgen kishi qyz birneshe kúnnen keıin qaıtys bolǵan. Qyzdardyń úlkeni bolsa, qazir aýyr halde aýrýhanada jatyr.
О́z qyzyn uryp óltirgen degen kúdik tańylǵan áıel qazir ýaqytsha ustaý oqshaýlaǵyshyna qamalǵan. Onyń ústinen «Adam óltirý» baby boıynsha qylmystyq is qozǵaldy.
Qurysh Nurymbet.
Derekkóz: Otyrar.kz.