Ishki ister mınıstrligi eldegi zańsyz qarý saqtaý jaıty jáne esirtki taratýmen kúres jaǵdaıyna qatysty sońǵy derektermen bólisti, dep habarlaıdy Egemen.kz.
«Jedel-profılaktıkalyq shara barysynda qarýdy zańsyz saqtaǵany jáne alyp júrgeni úshin 451 adam ustaldy. Olardan 774 dana atys qarýy jáne 7 737 arnaıy quraldar men oq-dáriler tárkilendi. Mysaly, Almaty qalasynda 1982 jyly týǵan «Toyota Land Cruiser Prado» markaly kólik ıesi ustaldy. Avtokóliktiń salonynda «MR-79-9TM» travmatıkalyq tapanshasy tabylyp, tárkilendi», dedi QR IIM ákimshilik polısııa komıteti basqarma basshysynyń orynbasary Dáýren Qozybaqov onlaın ótken brıfıngte.
Odan bólek, spıker eldegi eskirtkimen kúres ahýalyna toqtalyp ótti.
«Esirtkini zańsyz saqtaǵany jáne alyp júrgeni úshin 667 adam ustaldy. Olardan jalpy kólemi 170 keliden astam esirtki tárkilendi. Onyń ishinde 545 gramnan astamy geroın. Mysaly, bıyl 31 qańtarda Aqtóbe qalasynda tártip saqshylar kúdikti 2 azamatty ustady. Olardan 10 kelige jýyq (9 880 gr) marıhýana tabylyp, tárkilendi», deıdi ol.