Aqmola oblysynda jumyssyzdyq deńgeıin tómendetý jáne halyqtyń tabysyn arttyrý úshin 2022-2025 jyldarǵa arnalǵan jumys oryndaryn qurýdyń óńirlik kartasy bekitildi, dep habarlaıdy Egemen.kz.
Jumyspen qamtýdy úılestirý jáne áleýmettik baǵdarlamalar basqarmasynyń aqparaty boıynsha, ulttyq jobalar men óńirdi damytý jospary aıasynda 10 myńnan astam, onyń ishinde 2,4 myńǵa jýyq turaqty jumys ornyn qurý josparlanýda.
«Qujattyń basty mindetteriniń biri jumys oryndaryn qurý ǵana emes, sonymen qatar memlekettik baqylaýdyń tıimdiligin arttyrýdy saqtaý bolyp tabylady. Búginde qyzmetkerlerdiń ómiri men densaýlyǵyn saqtaý, qaýipsiz eńbek jaǵdaılaryn qamtamasyz etý basym baǵyt bolyp tabylady. Bıyl Aqmola oblysynda jeke bastamalardy eskere otyryp, 17649 oryn qurý qajet», dep atap ótti vedomstvonyń baspasóz qyzmeti.
Eńbek naryǵynyń naqty kórinisin kórsetýge múmkindik beretin jańa joba boıynsha barlyq derekter «Jumys oryndaryn qurýdyń ıntegrasııalyq kartasy» aqparattyq júıesinde jınaqtalǵan.
Atalǵan aqparattyq júıe jıyntyq nysandar men eseptilikti ázirleý múmkindigimen óńirler bólinisinde aýyldyq eldi mekenderge, memlekettik baǵdarlamalarǵa, shaǵyn jáne orta bızneske, jobalarǵa, kásiporyndarǵa, ekonomıka salalaryna monıtorıng júrgizýdi júzege asyrady.
Sondaı-aq, óńirlik karta tilek bildirýshilerge qaıta mamandanýǵa jáne eńbek qyzmetiniń jańa salalaryn ıgerýge de múmkindik beredi. Ol úshin «2021-2025 jyldarǵa arnalǵan kásipkerlikti damytý» ulttyq jobasy sheńberinde «Bastaý Bıznes» jobasy boıynsha qysqa merzimdi kásiptik oqytýmen jáne kásipkerlik negizderine oqytýmen 1844 adamdy qamtý josparlanýda.
Jalpy, óńir boıynsha 596,7 mln teńgege 487 memlekettik grant bólindi. Jumyspen qamtýdyń belsendi sharalarymen 2101 adam qamtylatyn bolady.