Aqparat jáne qoǵamdyq damý mınıstriniń buıryǵymen Qazbek О́mirzaquly Maıgeldınov «Qazaqstandyq qoǵamdyq damý ınstıtýty» KEAQ basqarma tóraǵasy laýazymyna taǵaıyndaldy, dep habarlaıdy Egemen.kz.
Qazbek Maıgeldınov О́.A. Baıqońyrov atyndaǵy Jezqazǵan ýnıversıtetiniń «Tarıh» mamandyǵyn, Qaztutynýodaǵy Qaraǵandy ekonomıkalyq ýnıversıtetiniń «Quqyqtaný: ekonomıka salasyndaǵy quqyqtyq retteý» mamandyǵyn jáne ál-Farabı atyndaǵy Qazaq ulttyq ýnıversıtetiniń «Arheologııa jáne etnologııa» mamandyǵy boıynsha magıstratýrany bitirgen.
2021 jyly L. N. Gýmılev atyndaǵy Eýrazııa ulttyq ýnıversıteti «Saıasattaný» mamandyǵy boıynsha doktorantýrany bitirgen, PhD doktory.
Eńbek jolyn 2007 jyly «Parasat» qazaqstandyq kópsalaly ınstıtýtynyń «Prestıj Akademııasynyń» oqytýshysy bolyp bastap, «Á.H. Marǵulan atyndaǵy «Arheologııa ınstıtýty» RMQK jalpy arheologııa bóliminiń ǵylymı qyzmetkeri bolyp jumys istegen.
QR Prezıdenti Ákimshiliginiń qurylymdyq bólimsheleri men basqa da qyzmetterdi atqarǵan.
2019 jyldan 2021 jylǵa deıin Eýrazııalyq ıntegrasııa ınstıtýtynyń ǵylymı zertteýler jáne taldaý ortalyǵynyń basshysy qyzmetin atqardy.
Bul laýazymǵa taǵaıyndalǵanǵa deıin «Qazaqstandyq qoǵamdyq damý ınstıtýty» KeAQ «Qoǵamdyq prosesterdi zertteý ortalyǵynyń» basshysy retinde jumys istegen.