Memleket basshysynyń ókimimen Jandos Nurlanuly Shaımardanov Qazaqstan Respýblıkasynyń Strategııalyq josparlaý jáne reformalar agenttiginiń Ulttyq statıstıka bıýrosynyń basshysy laýazymyna taǵaıyndaldy, dep habarlaıdy Egemen.kz Aqordanyń resmı saıtyna silteme jasap.
Jandos Shaımardanov 1987 jyly Shyǵys Qazaqstan oblysynda dúnıege kelgen.
2009 jyly «Bolashaq» baǵdarlamasy boıynsha Ulybrıtanııanyń Iork ýnıversıtetinde bilim alǵan. Mamandyǵy - «Ekonomıka jáne qarjy».
Eńbek ótili:
Ekonomıka jáne bıýdjettik josparlaý mınıstrliginiń bas sarapshysy (2009-2010); «Samuryq-Qazyna» UÁQ» AQ menedjeri (2010-2013); Ekonomıka jáne bıýdjettik josparlaý mınıstriniń keńesshisi (2013-2014); Ulttyq ekonomıka mınıstrligi Strategııalyq josparlaý jáne taldaý departamentiniń dırektory (2014-2016); Departament dırektory, «Báıterek» UBH» AQ Basqarýshy dırektory (10.2016-2019); «QazTech Ventures» AQ Basqarma tóraǵasy (2019-2020); QR Ulttyq Bankiniń aqsha-kredıt saıasaty departamentiniń dırektory (2020 jyldan bastap).