Túrkistan oblysy Kentaý qalasynyń ákimi asa iri kólemde para aldy degen kúdikke ilindi, dep habarlaıdy Egemen.kz.
Almaty qalasy boıynsha Sybaılas jemqorlyqqa qarsy qyzmet Túrkistan oblysy Kentaý qalasynyń ákimi Dáýren Mahajanovqa qatysty asa iri kólemde para alý faktisi boıynsha sotqa deıingi tergeýdi bastady.
«Sybaılas jemqorlyqqa qarsy qyzmet Túrkistan oblysy Kentaý qalasynyń ákimin áshkereledi. Ol 2022 jylǵy 23 aqpanda óziniń senimdi tulǵalary arqyly memlekettik-jekeshelik áriptestik aıasynda atalǵan qalada avtokólik joldaryn jóndeýmen aınalysatyn seriktestik dırektorynan 98 500 AQSh dollary (42 mln 500 myń teńgege) somasynda para alǵan» dep jazylǵan resmı habarlamada.
Qazirgi ýaqytta kúdikti sottyń sanksııasymen qamaýǵa alyndy. Sotqa deıingi tergeý jalǵasýda.