Qyrǵyzdyń Toqmoq qalasynda belgisiz bireýler kıkboksıngten álem chempıony Rýslan Abasov pen jubaıy otyrǵan Toyota avtomobılin jaryp jiberdi. Bul týraly Shý memlekettik ishki ister departamentinen ITAR-TASS tiilshisine habarlady.
«Jarylys sportshy men onyń jubaıy kólikke otyrǵan kezde oryn aldy, - dep atap ótti ishki ister departamentindegiler. – Qazirgi tańda bolǵan oqıǵanyń jaı-japsary tekserilýde».
Osy oqıǵadan keıin Abasov Toqmaq qalalyq aýrýhanasyna alyp bara jatqan jolda qaıtys bolǵan. Onyń áıeli qazir aýyr halde jatyr.
Tótenshe jaǵdaı bolǵan jerde saperler men krımınalıster jumys jasap jatyr. Alaıda, olar qylmyskerlerdiń jarylatyn qondyrǵynyń qandaı túrin paıdalanǵanyn anyqtaı alar emes. «Bolǵan jaıdyń birneshe boljamy qarastyrylýda, biraq negizgisi retinde terrorlyq akt aıtylady», - dep atap ótti ishki ister departametindegiler.
О́tken onjyldyqtyń ortasynda Rýslan Abasov WBKF nusqasy boıynsha álem chempıony atanǵan bolatyn. Budan bólek, WAKO nusqasy boıynsha álemniń eki dúrkin, sondaı-aq ınterkontınentaldy WAKO nusqasy boıynsha álemniń bir dúrkin, sondaı-aq Eýropanyń eki márte chempıony bolǵan edi. 2006 jyly ol 93 kıloǵa deıingi salmaqta Eýropanyń WBKF nusqasy boıynsha jeńimpazdyqqa qol jetkizgen.
Qurysh Nurymbet.
Rásim: ITAR-TASS.
Foto: ITAR-TASS/NewsTeam/Abdýla Magomedov, arhıv.