«Qazaqstan halqyna» qoǵamdyq qory jappaı tártipsizdikter kezinde qaza tapqan kúsh qurylymdary qyzmetkerleri men beıbit turǵyndardyń otbasylaryna 7 mıllıon teńgeden aýdarady, dep habarlaıdy Egemen.kz.
«Qazaqstan halqyna» qorynyń Qamqorshylyq keńesi qańtar oqıǵasy kezinde qaza tapqan jáne aýyr jaralanǵan áskerı qyzmetshilerdiń, ishki ister jáne ulttyq qaýipsizdik organdary qyzmetkerleriniń, sondaı-aq kezdeısoq qurban bolǵan azamattardyń otbasylaryna, kóz jumǵan jáne jaralanǵan balalardyń otbasylaryna materıaldyq kómek kórsetý týraly sheshim qabyldady.
«Qaza tapqan áskerı qyzmetshilerdiń, ishki ister organdary qyzmetkerleriniń, Ulttyq qaýipsizdik organdary qyzmetkerleriniń, kezdeısoq qaza bolǵan azamattardyń otbasyna 7 mıllıon teńge materıaldyq kómek kórsetiledi. Al aýyr jaraqat alǵan áskerı qyzmetshilerge, ishki ister jáne Ulttyq qaýipsizdik organdary qyzmetkerlerine, sondaı-aq jaralanǵan balalardyń otbasyna 3 mıllıon teńgeden bólinedi», delingen qor habarlamasynda.
Sondaı-aq qor jappaı tártipsizdikter kezinde qaza bolǵan quqyq qorǵaý organdary qyzmetkerleri men kámeletke tolmaǵan balalary bar beıbit turǵyndardyń otbasylaryna qosymsha qaıyrymdylyq kómek kórsetý boıynsha jumys júrgizip jatyr.