Nur Otan-nyń atqarýshy hatshysy Ashat Oralov partııanyń kezekten tys XXII sezinde usynys jasady, dep habarlaıdy Egemen.kz.
Ol partııalyq baqylaýdy kúsheıtý qajettigin atap ótti. Oralovtyń aıtýynsha, jaýapkershilik - partııanyń basty strategııalyq basymdyqtarynyń biri bolyp qala beredi. Saılaý aldyndaǵy ýádelerdi sapaly ári ýaqtyly oryndaýǵa erekshe nazar aýdarylýǵa tıis.
«Sáýir aıynda respýblıkalyq saılaýaldy baǵdarlamanyń oryndalýyn tekserý qorytyndysy boıynsha Májilistegi fraksııanyń keńeıtilgen otyrysyn ótkizý usynylady, onda Premer-Mınıstrdiń esebi tyńdalady. Budan ári osyndaı jumysty óńirlerde júrgizýdi usynamyz. Muny praktıkaǵa júıeli negizde engizý qajet dep sanaımyn», dedi Nur Otan partııasynyń atqarýshy hatshysy.
Sonymen qatar, Jol kartasynyń áleýmettik sezimtal bólimderin bıýronyń árbir múshesine, al naqty ındıkatorlardy - partııanyń barlyq deńgeıdegi saıası keńesteriniń múshelerine bekitý usynylady. Keshende bul sharalar partııa basshylyǵynyń barlyq deńgeıdegi jeke jaýapkershiligin arttyrady.
Aıta ketsek, Nur-Sultanda Prezıdenttiń tóraǵalyǵymen Nur Otan partııasynyń kezekten tys XXII sezi ótýde. Sezd jumysyna Qazaqstannyń árbir óńirinen 399 delegat qatysýda.
Kún tártibinde eki másele qaralýda:
Partııanyń Saıası keńesiniń quramyna ózgerister engizý. Nur Otan partııasyn jańǵyrtý.