Búgin Birikken Ulttar Uıymynyń Damý baǵdarlamasy (BUUDB) Ile-Balqash ekojúıelerin qalpyna keltirý maqsatynda Qazaqstan Respýblıkasynyń Ekologııa, geologııa jáne tabıǵı resýrstar mınıstrligimen (QR EGTRM) birlesken jobany qolǵa alǵany týraly málimdedi, dep habarlaıdy Egemen.kz.
Bul bastama jabaıy tabıǵatty qalpyna keltirý men qorǵaý maqsatynda erekshe qorǵalatyn tabıǵı aýmaqtardy keńeıtý boıynsha BUUDB men Qazaqstan úkimeti arasyndaǵy kópjyldyq yntymaqtystyq aıasynda júzege asyrylady.
Joba sheńberinde Ile ózeni atyrabynyń jaıylma ormandaryn qalpyna keltirý jáne «Ile-Balqash» Memlekettik tabıǵı rezervattyń aýmaǵynda Turan jolbarysynyń reıntrodýksııasy úshin turaqty jem-shóp qoryn qalyptastyrý josparlanyp otyr. О́ńirdiń biregeı tabıǵaty men bıoalýantúrliligin saqtaý mańyzdylyǵy týraly halyqtyń habardarlyǵyn arttyrý men jergilikti turǵyndardyń bastamalaryn qoldaýǵa erekshe nazar aýdarylady.
«Biregeı ekojúıelerdi, bıoalýantúrliliktiń, flora men faýnanyń negizgi túrlerin qalpyna keltirý – óńirdiń áleýmettik-ekonomıkalyq turaqtylyǵyn qamtamasyz etýmen qatar, jabaıy tabıǵatty qorǵaýdyń alǵysharty. Bul bastama óziniń kópqyrly ıgi áserin tıgizedi, bıoalýantúrlilikti saqtap qalyp, ol ekotýrızmniń damýy men jergilikti halyqtyń tabysqa jetýine múmkindik týǵyzady», deıdi BUUDB Qazaqstandaǵy turaqty ókili Iаkýp Berısh.
«Maqsatty baǵdarlamalar sheńberinde Qazaqstan bıoalýantúrliliktiń saqtalýyna da kóp kóńil bóledi. Qazaqstan Respýblıkasynyń «jasyl ekonomıkaǵa» ótý tujyrymdamasy tıimdi basqarý men turaqty damý qaǵıdalaryna sáıkes, ekojúıeler men bıoalýantúrlilikti saqtaý máselelerin qosa alǵanda Qazaqstan ekonomıkasynyń negizgi salalaryn reformalaýdyń basym baǵyttaryn anyqtaıdy», dedi QR EGTRM Orman sharýashylyǵy jáne janýarlar dúnıesi komıtetiniń tóraǵasy Nurlan Qylyshbaev.
Osy arada búgin – Dúnıejúzilik jabaıy tabıǵat kúni ekendigin eske sala otyryp, ol bıyl «Ekojúıeni qalpyna keltirý – negizgi túrlerdi qalpyna keltirý» uranymen atalyp ótetindigin aıta ketelik.
ALMATY