Nur-Sultan qalasy №1 Balalar mýzyka mektebiniń úlken «Estradalyq vokal» bóliminiń 2-synyp oqýshysy Aızada Amanjolqyzynyń «Ǵajaıyp álem» respýblıkalyq olımpıadasynda úzdik dep tanylyp, úzdik balalar ertegiler toptamasyna engen «Aızadanyń ǵajaıyp álemi» ertegisi jelisi boıynsha M.Dáýletbaq atyndaǵy balalar teatry oqýshylarynyń qatysýymen «Aızadanyń ǵajaıyp álemi» atty mıýzıkl-ertegi premerasy ótti.
Memleket basshysy Qasym-Jomart Toqaev óskeleń urpaqqa jol ashý úshin barlyq jaǵdaıdy jasaý qajettigin aıta kele, osy jyldy «Balalar jyly» dep jarııalaǵan edi. «Balalarǵa erekshe nazar aýdarý kerek. О́skeleń urpaqtyń úılesimdi damýy men baqytty balalyq – bul bizdiń jalpy ulttyq mindetimiz», dedi Prezıdent. Osy oraıda jas baldyrǵan Aızadanyń qııalynan týǵan bul ertegi baqytty balalyqty sýrettep, otbasylyq qundylyqtardy, ata-ana men bala, týys arasyndaǵy jylylyqty, baýyrmaldylyqty, janashyrlyqty, bir-birine degen senimdi dáriptep, jas kórermenniń patrıottyq sezimin, Otanǵa degen súıispenshiligin oıatyp, otbasylyq qundylyqtardy nyǵaıtyp, shyǵarmashylyqqa degen qyzyǵýshylyǵyn arttyryp, kóterińki kóńil kúı syılaıdy.
Respýblıkalyq túrli baıqaýlarǵa qatysyp, jeńimpaz atanyp júrgen Aızada Amanjolqyzynyń kórkemdik jetekshisi – Qazaqstannyń Mádenıet qaıratkeri, Mádenıet salasynyń úzdigi, Qazaq ulttyq óner ýnıversıtetiniń professory Maıra Dáýletbaq.