Qazaqstandyq tennısshi Mıhaıl Kýkýshkın AQSh-ta ótip jatqan Indian Wells Masters týrnıriniń negizgi kezeńine joldama aldy.
Dúnıejúzilik reıtıngte 154-orynda turǵan Mıhaıl irikteý saıystarynyń fınalynda álemniń 93-raketkasy japonııalyq Esıhıto Nısıokamen sheberlik baıqasty. Qazaqstandyq tennısshi qarsylasynan eki sette 6:2, 7:6 (7:4) esebimen basym tústi. Eki saǵattan asa ýaqytqa sozylǵan básekede jerlesimiz 1 eıs jasap, 18 breık-poınttyń tórteýin paıdalandy. Negizgi týrnırdiń birinshi aınalymynda ol amerıkalyq Tommı Polmen kezdesedi.
Júlde qory 8,5 mln dollardan asatyn iri jarysta Qazaqstannyń birinshi, álemniń 33-raketkasy Aleksandr Býblık te óner kórsetedi. Ol birinshi aınalymda brıtanııalyq Endı Marreı men japonııalyq Taro Danıel arasyndaǵy oıynnyń jeńimpazymen oınaıdy.