Kórkem gımnastıkadan ejelgi Ellada elinde uıymdastyrylǵan «Afrodıta» kýbogy óz máresine jetti. Halyqaralyq týrnırde baq synaǵan qazaqstandyq gımnasshylar júldeli oryndarmen kózge tústi.
11-13 naýryz kúnderi ótken týrnırde jasóspirimder men eresek sportshylar óner kórsetti. Jasóspirimder arasyndaǵy dodada otandastarymyzdan Erıka Jaılaýova taspa jattyǵýynda qola júldeger atansa, Mılana Parfılova shyǵyrshyq jattyǵýynda kúmiske qol jetkizdi.
Al eresekter básekesinde 2018 jylǵy jasóspirimder Olımpıadasynyń kúmis júldegeri Roza Abıtova taspa jattyǵýynda qola medal ıelendi. Sonymen qatar Baıan Qoıbaǵar urshyq jattyǵýynda kúmis, Sabına Baqatova shyǵyrshyqpen jattyǵýda qola medal oljalady.