«Energııa» úılestirý dıspetcherlik ortalyǵynyń arnaıy komıssııasy 2022 jylǵy 25 qańtarda bolǵan apatqa qatysty tergeý-tekserý jumystaryn aıaqtady. Onyń quramyna Ortalyq Azııanyń, atap aıtqanda Qazaqstan, О́zbekstan, Qyrǵyzstannyń energııa júıeleri júıelik operatorlarynyń ókilderi kirgen bolatyn. Bul týraly KEGOC AQ habarlady.
Komıssııa apattyń sebebin О́zbekstannyń energııa júıesinde bolǵan ajyratylýdan týyndaǵanyn anyqtady. Osy kúni Nur-Sultan ýaqyty boıynsha saǵat 11:59-da Syrdarııa JES-i men 500 kV «Tashkent» QS-ny (О́zbekstan) qosatyn 500 kV joǵary voltti áýe elektr jetkizý jelisiniń jelilik ajyratqyshynda qysqa tuıyqtalý oryn aldy. 500 kV shınalardyń 1-shi jáne 2-shi júıeleriniń dıfferensıaldy qorǵanystarynyń shamadan tys jumys isteýi Syrdarııa JES-inde generasııanyń aıtarlyqtaı tómendeýine, elektr stansasyna irgeles elektr jelisindegi ajyratylýlarǵa jáne Qazaqstannyń Birtutas elektr energetıkalyq júıesiniń (BEJ) 500 kV Soltústik-Shyǵys-Ońtústik tranzıtine 2 100 MVt mólsherindegi qýat júktemeden tys túsirilýine (belgilengen normadan 7 ese joǵary) ákeldi.
Júıeli apattar kezinde KEGOC AQ elektr jelileri men Qazaqstannyń ońtústigindegi elektr stansalarynyń avarııaǵa qarsy avtomatıkasy energııa júıesin bólý jónindegi talaptardy eskere otyryp, shtattyq rejimde iske qosyldy. Osy arqyly elimizdiń ońtústik tutynýshylarynyń shamamen 60%-yn elektrmen jabdyqtaýdy saqtaı otyryp, Qazaqstannyń ońtústik aımaǵy tutynýshylarynyń tolyq ajyratylýyna jol berilmedi. Bul rette О́zbekstan men Qyrǵyzstannyń energııa júıeleri tolyǵymen toqtan ajyratyldy.
KEGOC kompanııasyna apatty joıýǵa jáne Qazaqstandaǵy barlyq tutynýshylarǵa qoıylǵan shekteýlerdi alyp tastaýǵa 4 saǵat qajet bolǵanyn, sondaı-aq buǵan Qazaqstan BEJ-i Júıelik operatory personalynyń joǵary kásibı sheberliginiń nátıjesinde qol jetkizgenin atap ótken jón. Al Qyrǵyzstan UET-te shema men rejim bir táýlikten astam ýaqyttan keıin qalpyna keltirilse, О́zbekstan UET-te tutynýshylardy energııamen jabdyqtaýdy qalpyna keltirý tórt kúnge sozyldy.