Beıjiń Paralımpıadasy qorytyndylandy

«4-13 naýryz aralyǵynda Qy­taıda ótken XIII Qysqy Par­alımpııa oıyndarynda Qazaq­stan quramasy bir qola medal­ǵa ıe bolyp, 53 memlekettiń ishin­de jalpykomandalyq esep­te 17-orynǵa turaqtady. Par­alımpıadada 700-den astam sportshy sporttyń 6 túrinen 78 medal jıyntyǵyn sarapqa saldy. Onyń ishinde bizdiń sportshylar 12 medal jıyntyǵy boıyn­sha jarys jolyna shyqty. Paralımpıadada el namysyn 5 sportshymyz qor­ǵady», dep eske saldy Samat Er­ǵalıev.

Onyń aıtýynsha, mınıstrlik paralımpıadalyq qozǵalysty qoldaý boıynsha júıeli jumys júrgizýde. Atap aıtqanda, sport túrlerin saralaý erejelerine sáıkes barlyq paralımpıadalyq sport túrleri «A» tobyna jáne «basym» sport túrleriniń qata­ryna jatqyzylyp, birinshi kezekte qarjylandyrylatyn boldy. Budan basqa, sporttyq ná­tıjelerdi eskere otyryp, ja­qyn arada ulttyq quramanyń jattyqtyrýshylary men sport­shylarynyń jalaqysyn arttyrý máselesi qaralady.

«2016 jylǵy Rıo Paralımıa­dasynan bastap Paralımpıada jáne Sýrdolımpıada oıynda­rynyń jeńimpazdary men júl­degerleriniń qarjylaı syı­aqylary ósip, olımpıadalyq sport túrlerimen teńesti. Sonymen qa­tar aldaǵy tańda sporttyq ná­tıjelerdi eskere otyryp ulttyq qurama jattyqtyrýshylary men sportshylarynyń jalaqylaryn kóterý máselesi qarastyrylady», dedi komıtet basshysy.

Sondaı-aq ol Beıjińdegi paralımpıada oıyndarynda 10 shaqyrymdyq jarysta qola júlde alǵan bıatlonshy Aleksandr Gerlıske páter beriletinin aıtty. «Beıjińdegi Paralımpıadanyń qorytyndysy boıynsha sportshylar men jattyqtyrýshylar memleketten 131 mln teńge alady jáne «Dene shynyqtyrý jáne sport salasy týraly» Zańǵa sáıkes Soltústik Qazaqstan oblysynyń ákimdigi tarapynan Aleksandr Gerlıske bir bólmeli páter beriledi», dedi Samat Erǵalıev.

О́z kezeginde Aleksandr Ger­lıs qazaqstandyqtarǵa qol­daý kórsetkeni úshin alǵys aıtyp, quramanyń barlyq jattyqtyrý­shylar shtabynyń úılesimdi jáne kásibı jumysyn atap ótti.

Búginde paralımpııalyq sport túrleri boıynsha elimizde 15 sport túri keńinen damytylýda. Búginde ulttyq qurama qatarynda 484 sportshy bar. Olar­men 34 bas jáne aǵa jat­tyq­tyrýshy jumys isteıdi. Al shtattaǵy sportshylardyń sany – 112. Elimizde múmkindigi shek­teýli tulǵalar arasynda 15 par­alım­pıadalyq, 21 sýrdolım­pıa­dalyq jáne Paralımpıada baǵdarlamasyna enbegen segiz sport túri damytylǵan. 2021 jyl­­dyń qorytyndysy boıynsha eli­mizde múmkindigi shekteýli adam­dardyń sany – 696 825. Onyń 48 565 myńy sportpen udaıy shu­ǵyldanady. Respýblıka bo­ıynsha, ár óńirde múmkindigi shek­teýli tul­ǵalarǵa arnalǵan arnaıy 17 sporttyq mekeme jumys isteıdi.

Aıta ketý kerek, Aleksandr Gerlıs para bıatlonda 10 shaqy­rym qashyqtyqta qola júlde jeńip alǵan bolatyn. 2022 jylǵy Paralımpıada qorytyndysy bo­ıynsha Aleksandr Gerlıske «Qazaqstan Respýblıkasynyń eńbek sińirgen sport sheberi» ataǵy berildi.