Alǵashqy aınalymdarda qarsylastaryn qapy qaldyrǵan úsh jerlesimiz de AQSh-tyń Maıamı qalasynda ótip jatqan halyqaralyq týrnırdiń bel ortasyna jetpeı súrindi.
Keshe úshinshi kezeń oıyndary ótti. Bul mejede ATR reıtınginde 33-oryndy ıelenip otyrǵan Aleksandr Býblık norvegııalyq Kasper Rýýdpen kúsh synasty. Nebári bir saǵatqa sozylǵan saıysta álemniń segizinshi raketkasynyń ústemdigi esh kúmán týǵyzǵan joq – 6:3, 6:2. WTA tiziminde 18-orynǵa jaıǵasqan Elene Rybakına atalǵan reıtıngte ózinen úsh saty tómen turǵan amerıkalyq Djessıka Pegýlamen sheberlik baıqasty. Bul tartys AQSh ókiliniń paıdasyna sheshildi – 6:3, 6:4. Elimizdiń taǵy bir beldi tennısshisi Iýlııa Pýtınseva Paýla Badosamen kezdesti. Qazirgi kezde ıspanııalyq oıynshynyń qarqyny óte kúshti. Byltyr Aýstralııanyń ashyq birinshiligi men Ýımbldonda tórtinshi kezeńge deıin jetip, bıyl Rolan Garrostyń shırek fınalyna shyqqan Badosa sol tabysynyń arqasynda álemdik reıtıngte altynshy orynǵa kóterildi. Bul mejede Pýtınsevany jolynan yǵystyrý oǵan esh qıyndyq týǵyzǵan joq – 6:3, 6:2.