Búgin Ulybrıtanııanyń astanasy – Londonda tennısten erler arasyndaǵy Devıs kýbogy jolyndaǵy jarystyń toptyq kezeńiniń jerebesi tartylady.
Atalǵan týrnırde óner kórsetetin komandalar tórt sebetke bólindi: Birinshisi – Horvatııa, Ispanııa, Fransııa, AQSh; Ekinshisi – Germanııa, Italııa, Kanada, Ulybrıtanııa; Úshinshisi – Qazaqstan, Belgııa, Serbııa, Argentına; Tórtinshisi – Shvesııa, Aýstralııa, Nıderland jáne Ońtústik Koreıa quramalary. Bıylǵy jyldyń 14-18 qyrkúıegi kúnderi Bolonıa (Italııa), Gambýrg (Germanııa), Glazgo (Ulybrıtanııa) jáne Malaga (Ispanııa) qalalarynda ótetin básekeler barysynda osy 16 komanda arasynan segiz myqty anyqtalady. Olar 23-27 qarasha kúnderi Devıs kýbogynyń álemdik tobynda kúsh synasyp, bas júldeni sarapqa salady.
Esterińizge sala keteıik, aıtýly týrnır 1900 jyldan beri uıymdastyrylyp keledi. Eń sońǵy jarystyń shymyldyǵy byltyr Ispanııanyń bas shahary – Madrıdte túrildi. Bul básekede Reseı tennısshileriniń baǵy jandy. Fınalda olar Horvatııa quramasyn 2:0 esebimen utty.