Qarjy monıtorıngi agenttigi kiristerdi jylystatýǵa jáne terrorızmdi qarjylandyrýǵa qarsy is-qımyl salasyn damytýdyń 2022-2026 jyldarǵa arnalǵan tujyrymdamasyn ázirledi, dep habarlaıdy Egemen.kz.
Atap aıtqanda, aktıvterdi qaıtarý jónindegi saıasatty ázirleý, ony iske asyrý úshin qajetti quqyqtyq negizdi qalyptastyrý, sondaı-aq osy saladaǵy halyqaralyq yntymaqtastyqty damytý quzyretine kiretin aktıvterdi qaıtarý jónindegi Ulttyq úılestirýshini qurý kózdeledi.
Aktıvterdi qaıtarý jónindegi Ulttyq úılestirýshini qurý Qazaqstannyń jáne osyndaı bólimsheler jumys istep turǵan kóptegen damyǵan elderdiń ıýrısdıksııalary arasyndaǵy senim men jaqyndyqty yntalandyrady.
Budan basqa, bul sybaılas jemqorlyqqa qarsy saıasat tujyrymdamasyn iske asyrý sheńberinde kózdelgen negizsiz baıý úshin jaýapkershilikti engizýdiń qısyndy jalǵasy bolmaqshy.
Kapıtaldyń jylystaýyna monıtorıng júrgizý jáne bul týraly el basshylyǵy men Úkimetti habardar etý jónindegi kelesi qadam múddeli memlekettik organdardyń kapıtaldy zańsyz shyǵarýǵa qarsy is-qımyl jónindegi birlesken jumysy bolady.
Qylmystyq kiristerdi shetelge shyǵarý máseleleri tıisti túzetý sharalaryn qabyldaı otyryp, táýekelderdi ulttyq baǵalaý sheńberinde qaralady.
Sondaı-aq zańsyz qarjy aǵyndarynyń kólemin esepteý ádistemesin ázirlep, olardy odan ári turaqty monıtorıngileýdi engizý josparlanýda.
Tujyrymdama sheńberinde usynylatyn sharalar kesheni kúdikti operasııalar jasaýdy, kapıtaldyń jylystaýyn jáne terrorızmdi qarjylandyrýmen baılanysty basqa da zańsyz is-áreketterdi qysqartýǵa baǵyttalǵan.
Qujat 13 sáýirge deıin Ashyq NQA saıtynda jarııa talqylaý úshin ornalastyrylǵan.