31 naýryzda Qazaqstannyń bes óńirinde aýa raıyna baılanysty eskertý jasaldy, dep habarlaıdy Egemen.kz Qazgıdrometke silteme jasap.
1 sáýir kúni Batys Qazaqstan oblysynyń soltústik-batysynda tuman túsedi. Ońtústik, ońtústik-batystan jel soǵady, kúndiz oblystyń soltústigi men batysynda ekpini 15-20 m/s jel soǵady.
1 sáýir kúni Oralda túnde jáne tańerteń tuman túsýi yqtımal.
2022 jyldyń 1-3 sáýiri aralyǵynda aýa temperatýrasynyń kóterilýine baılanysty Aqmola jáne Pavlodar oblystarynyń ózenderinde qar erip, muz juqaryp, sý deńgeıi kóteriledi.
1 sáýir kúni Soltústik Qazaqstan oblysynyń soltústigi men batysynda túnde jáne tańerteń jaıaý burqasyn júrip, tuman túsedi, kóktaıǵaq bolady. Oblystyń soltústigi men batysynda ońtústik-batystan ekpini 15-20 m/s jel soǵady. Petropavlda 1 sáýirde túnde jáne tańerteń tuman, kóktaıǵaq kútiledi. Ońtústik-batystan soǵatyn jel ekpini 15-20 m/s-qa deıin jetedi.
1 sáýirde túnde Aqtóbe oblysynyń ońtústiginde tuman túsedi.
1 sáýir kúni Alakól kólderi aýdanynda ońtústiktik-shyǵystan 15-20 m/s jel soǵady, ekpini 25 m/s-qa deıin jetedi.
1 sáýirde Qostanaı oblysynyń soltústigi men ońtústiginde kóktaıǵaq, tuman kútiledi. Ońtústik-batystan jel soǵady, oblystyń soltústigi men shyǵysynda jel ekpini 15-20 m/s-qa jetedi. Qostanaıda 1 sáýirde ońtústik-batystan jel soǵady, kúndiz ekpini 15-20 m/s-qa jetedi.