Sáýir aıynyń ekinshi jartysynda Mońǵolııanyń astanasy – Ulanbatyrda ótetin Azııa chempıonatynda elimizdiń áıelder kúresi sheberleri qandaı quramda óner kórsetetini belgili boldy.
Taıaýda ǵana Qazaqstan quramasynyń bas bapkeri bolyp taǵaıyndalǵan Serik Alshynbaev úshin bul – alǵashqy úlken synaq. Sol sebepti de ol sary qurlyqtyń basty dodasynda qomaqty tabysqa qol jetkizý úshin kil myqtylardy ulttyq komandamyzdyń týy astyna jınaǵan eken. Solardyń arasynan Jámıla Baqbergenovany bóle-jara atap ótýge bolady. Ol buǵan deıin Azııa birinshiliginde úsh ret jeńis tuǵyryna kóterildi. Byltyr Osloda ótken álem chempıonatynda jalǵyz ǵana júldege qol jetkizgen de dál osy Jámıla edi. Endi biz 26 jastaǵy Almaty oblysynyń ókili aldaǵy jarysta tek altyn alady dep úmittenip otyrmyz.
О́zge salmaq dárejelerinde Aıgúl Nurálim (50 kılo), Juldyz Eshimova (53 kılo), Altyn Shaǵaeva (55 kılo), Nılýfar Raımova (57 kılo), Dına Kaıýmova (59 kılo), Aıaýlym Qasymova (62 kılo), Darıǵa Áben (65 kılo), Mádına Baqbergenova (68 kılo) jáne Gúlmaral Erkebaeva (72 kılo) boz kilemge shyǵady.