Almaty qalasynyń Bostandyq aýdanynda statıstıka departamenti ǵımaraty bólmesinen órt shyqty. Bul týraly Tótenshe jaǵdaılar mınıstrliginiń baspasóz qyzmeti habarlady.
Oqıǵa kezinde 40 adam qaýipsiz jerge shyǵaryldy. Tilsiz jaýdy sóndirýge Almaty qalasyndaǵy tótenshe jaǵdaılar departamenti órt sóndirý qyzmetiniń 14 tehnıkasy jáne jeke quramnyń 50 adamy jumyldyryldy. 15 sharshy metr aýmaqty jalyn sharpyǵan. Qaza bolǵandar men zardap shekkender joq.
Bizge sońǵy kelip túsken aqparatta órttiń neden bolǵany áli belgisiz ekeni jazylǵan. Sondyqtan buǵan qatysty qorytyndyny keıin aıtamyz.
Ámirhan Almaǵanbetov.
Derekkóz: Tótenshe jaǵdaılar mınıstrligi.
Foto: www.Vlast.kz.