Oblys ákimi Mahambet Dosuhambetovtiń ókimimen Nurbol Jańabekov oblystyq kásipkerlik jáne ındýstrııalyq-ınnovasııalyq damý basqarmasynyń basshysy bolyp taǵaıyndaldy, dep habarlaıdy Egemen.kz.
Nurbol Meıramuly 1987 jyly Qaraǵandy qalasynda dúnıege kelgen. E.Bóketov atyndaǵy Qaraǵandy memlekettik ýnıversıtetin zańger, «Bolashaq» baǵdarlamasymen M.Lomonosov atyndaǵy Máskeý memlekettik ýnıversıtetin memlekettik jáne mýnısıpaldy basqarý mamandyǵymen bitirgen. Prezıdenttik jastar kadr rezervine alynǵan.
Eńbek jolyn 2012-2013 jyldary Aımaqtyq damý mınıstrliginiń qurylys jáne turǵyn úı-kommýnaldyq ister jónindegi komıtetinde sarapshy retinde bastaǵan. 2013-2017 jyldary Ulttyq ekonomıka mınıstrliginde bas sarapshy, keıin basqarma basshysy qyzmetin atqarǵan.
2017-2018 jyldary QR Prezıdenti is basqarmasynda bas ınspektor, «Atameken» UKP-nyń sarapshy bolyp jumys istegen. 2019-2020 jyldary «Kásipkerlikti damytýdy zertteý» ortalyǵynda jobalyq top jetekshisi, «Qazaqstannyń memlekettik-jeke áriptestik ortalyǵy» AQ prezıdentiniń orynbasary, 2020-2021 jyldary Ulttyq ekonomıka mınıstrliginde kásipkerlikti damytý departamentiniń dırektory bolǵan. 2021 jyldyń sáýir aıynan beri «Azamattarǵa arnalǵan úkimet» memlekettik korporasııasy» KeAQ-da tarıfter jáne marketıngtik taldaý departamentiniń dırektory qyzmetin atqaryp keldi.