AQSh-tyń Maıamı qalasynda tennısten beıresmı túrde 5-shi «Úlken dýlyǵa» týrnıri sanalatyn asa iri Miami Open óz máresine jetti. Erler arasyndaǵy básekede 18 jastaǵy Karlos Alkaras top jarsa, áıelder básekesinde Iga Shventek jeńimpaz atandy.
Júlde qory 8 584 055 AQSh dollaryn quraǵan halyqaralyq jarystyń erler arasyndaǵy fınalynda ıspanııalyq Karlos Alkaras pen norvegııalyq Kasper Rýýd bas júldeni sarapqa saldy. Asa tartysty ótken básekede Alkaras eki sette 7:5, 6:4 esebimen jeńiske jetti. Bul Karlos Alkarastyń osy jyldaǵy úshinshi jeńisi bolsa, atalǵan týrnırdi jeńip alǵan eń jas tennısshi atandy.
WTA týrnırleriniń hanshaıymy sanalatyn polshalyq Iga Shventek Maıamıdegi áıelder týrnıriniń fınalynda japonııalyq Naomı Osakany eki sette 6:4, 6:0 esebimen qapy qaldyryp, qatarynan úshinshi júldesine qol jetkizdi. Sondaı-aq Shventek osy nátıjesiniń arqasynda kesheden bastap álemdik reıtıngte kósh bastady.